Ақпараттық порталдың жазуынша, 29 қарашада Рудный қаласының полициясына белгісіз ер адамның дәріханада әйелдің қолынан әмиянын алып кеткені туралы хабарлама келіп түскен. Кейін күдіктінің көшеде тағы бір зейнеткердің қолынан азық-түлік сөмкесін жұлып алғаны анықталған.
"Полицияның барлық нарядтары қылмыстарды ашуға бағытталды. Криминалдық полиция қызметкерлері 35 жастағы күдіктіні Рудный қаласының пәтерлерінің бірінде ұстады. Ұрланған заттар ішінара иесіне қайтарылды", – дейді Рудный қалалық полиция басқармасының бастығы Болат Иманов.
Полицияның мәліметінше, ұрланған әмияндағы 11 мың теңгені күдікті жұмсап үлгерген. Қазіргі уақытта аталмыш фактілер бойынша 191-баптың 1-бөлігі (Тонау) бойынша сотқа дейінгі тергеу басталған. Күдікті қамауға алынған.