Ru  Kz
Барлық жаңалықтар

Астана әуежайында тағы бір ұшу-қону жолағы салынады

Астана әуежайында тағы бір ұшу-қону жолағы салынады
Фото: inbusiness.kz

Елордалық әуежайда екінші ұшу-қону жолағы салынады. Бұл оның өткізу қабілетін арттыру үшін қажет, деп хабарлайды Индустрия және инфрақұрылымдық даму министрлігіне сілтеме жасаған kazlenta.kz

Елорда әуежайының қолданыстағы ұшу-қону жолағы 2003 жылы қайта жаңартылғаннан кейін бұл бағытта басқа жұмыстар жүзеге асырылмаған. Биыл мұнда күрделі жөндеу жұмыстары жүргізілді. Алайда, әуетасымалдар қарқынының өсуі мен әуежайды дамыту жөніндегі жоспарларға байланысты әуеайлақ учаскесін қайта жаңарту қажеттілігі туындап отыр. "Біз 2027-2028 жылдары жолаушылар ағынының жоғары деңгейіне жетіп, сәйкесінше бұл ұшу-қону жолағының өткізу қабілетін арттыруды талап етеді деп болжап отырмыз. Осы ретте жолақтағы, рульдеу жолақтары мен перрондағы жабынды, сондай-ақ жарық-сигналдық жабдықты ауыстыруды жоспарлап отырмыз. Ұшу-қону жолағын жөндеу уақытша қолайсыздықтар туғызады, бірақ бұл мәселені шешуге ниеттіміз", – деді "Нұрсұлтан Назарбаев халықаралық әуежайы" АҚ Басқарма төрағасының бірінші орынбасары Дәулет Хамзин әуе айлағын дамыту тұжырымдамасының тұсаукесерінде.

Сондай-ақ екінші ұшу-қону жолағын салу, арнайы экономикалық аймақ ашу және авиаотынды жеткізу логистикасын жақсарту үшін теміржолдар салу жоспарда бар. "Жаһандық өзгерістер негізгі екі мақсатқа қол жеткізу үшін жүргізіледі. Алғашқысы, Астананың әуе айлағы жолаушылар ағыны мен орындалатын рейстер саны бойынша келесі жылы еліміздегі ең ірі әуе айлағына айналуы тиіс. Екіншісі, алдағы 5 жылда жүк тасымалын төрт еседен астам ұлғайту жоспарда бар", – деді спикер.

Әуежайды одан әрі дамыту жөніндегі жоспарлар қаржылық көрсеткіштерді тұрақты жақсартуға негізделген әрі кәсіпорынның жаңа стратегиясының нәтижелерімен нығайтылмақ. 2021-2022 жылдары азаматтық авиатасымалдардың уақытша тоқтатылуына байланысты әуе айлағының жұмысы транзиттік жүк рейстеріне жанармай құюға және оларға қызмет көрсетуге қайта бағытталды. Жаңа стратегияның нәтижесінде биыл бірінші жартыжылдықтағы Астана әуежайының таза табысы 1,6 млрд теңгені құрады. Жалпы, 2022 жылдың қорытындысы бойынша табыс 68 млрд теңге деңгейінде болады деп күтілуде, бұл 2021 жылға қарағанда 15,8 пайызға жоғары. "Елдер арасындағы шекаралардың жабылуы кезеңінде көптеген авиакомпаниялар біздің әуежайды Еуропадан Азияға транзиттік аялдама ретінде пайдалана бастады.

Мультимодальды және транзиттік жүк тасымалына басымдық беруіміз дұрыс шешім болды. 2021-2022 жылдардағы кірістердің шамамен 70 пайызына әуежайды транзиттік жүк рейстеріне қызмет көрсетуге қайта бағыттау арқылы қол жеткізілді", – деді Хамзин. скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Танымал әнші Төреғали Төреәлі тергеу изоляторынан кепілдікпен босатылады
Әсел Сәдуақасова әкесімен татуласқаннан кейін өз қалауындағы ер адамды кездестіргенін айтты
Төреғали Төреәліге "соққыға жықты" деп айып таққан гид жігіт оқиғаның мән-жайын айтты
"Көлсай көлдері" табиғи паркі Төреғали Төреәлінің төбелесіне қатысты пікір білдірді
Әнші Төреғали Төреәліге қатысты қылмыстық іс қозғалды
Мультимедиа
Жамбылдық полицейлер Шу тұрғынынан 200 келіге жуық есірткі тәркіледі
Lexus мініп каналға түсіп кеткен тараздық түлектің жаңа видеосы жарияланды
Ұлттық ұланның авиациясы екі жаңа тікұшақпен толықты
Елордалық полицейлер ақша салынған сөмкенің ұрлығын ашты
Ақмолалық полицейлер жасырын есірткі зертханасын жойды