Ru  Kz
Алматы C
Барлық жаңалықтар

А. Мамин ірі көлік инфрақұрылымы жобаларының іске асырылуын тексерді

А. Мамин ірі көлік инфрақұрылымы жобаларының іске асырылуын тексерді
Фото: primeminister.kz

ҚР Премьер-Министрі Асқар Мамин Шығыс Қазақстан, Алматы және Қарағанды облыстарына жұмыс сапары аясында көлік инфрақұрылымы жобалары – «Өскемен-Талдықорған», «Қалбатау-Майқапшағай», «Үшарал-Достық», «Қарағанды-Балқаш-Қапшағай», «Меркі-Бурылбайтал» автожолдары  жобаларының іске асырылу барысын тексерді.

Ұзындығы 768 шақырым болатын (Шығыс Қазақстан облысының аумағы бойынша – 454 км, Алматы облысының аумағы бойынша – 314 км) «Өскемен-Талдықорған» автожолын салу жобасы бойынша Үкімет басшысына негізгі жұмыстардың аяқталғаны және жыл соңына дейін автомобиль қозғалысының ашылатыны туралы баяндалды.

Ұзындығы 415 шақырымға созылатын «Қалбатау-Майқапшағай» тас жолын реконструкциялау жобасы бойынша 127 шақырым жолда қозғалыс ашылды, жұмыстарды 2022 жылы толық аяқтау жоспарланған.

«Үшарал-Достық» автожолы бойынша 180 шақырымнан 145 шақырым жол пайдалануға берілді, жұмыстарды 2022 жылдың бірінші жартыжылдығында толық аяқтау жоспарланған.

Қарағанды облысында Премьер-Министр жалпы ұзындығы 946 шақырым болатын «Қарағанды-Балқаш-Бурылбайтал-Күрті-Қапшағай» автомобиль жолын реконструкциялау барысын тексерді. Биыл төрт жолақты жол бойынша 765 шақырым жолда қозғалыс қамтамасыз етіледі. «Меркі-Бурылбайтал» (262 км) автожолы бойынша қозғалыс толық ашылады.

Өскемен қаласында Үкімет басшысына халықаралық әуежайдың ұшу-қону жолағын реконструкциялаудың аяқталғаны туралы баяндалды – ҰҚЖ ұзындығы 2800 м дейін, ені 60 м дейін ұлғайтылды. Асфальтбетон жабынын толық ауыстыру жүргізілді, жарық-сигналдық жабдықтың жаңа жүйесі орнатылды. 30 тонналық жүк терминалының және 100 тонналық уақытша жүк сақтау қоймасының құрылысын аяқтау жоспарланған.

Сондай-ақ, Премьер-Министрге Үшарал қаласындағы әуежайдың ұшу-қону жолағын реконструкциялау барысы туралы баяндалды, ол 2022 жылғы 1 мамырда аяқталады.

2021 жылы Қазақстанда 8,4 мың шақырым автожол құрылыс және қайта жаңарту жұмыстарымен қамтылды, оның ішінде республикалық маңызы бар жолдар – 5 мың шақырым, жергілікті желі – 3,4 мың шақырым. Жол-құрылыс жұмыстарына 200 мыңға жуық адам тартылған. Биыл еліміздегі 5,1 мың шақырым жолда жұмыстар аяқталады. Қалған жұмыс көлемі өтпелі және 2022 жылы орындалатын болады.

Жұмыс сапарына Шығыс Қазақстан облысының әкімі Даниал Ахметов, Алматы облысының әкімі Амандық Баталов, Қарағанды облысының әкімі Жеңіс Қасымбек, индустрия және инфрақұрылымдық даму вице-министрі Берік Қамалиев, «ҚазАвтоЖол» ҰК» АҚ басқарма төрағасы Асқар Мұратұлы және т. б. қатысты.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
"Соғысқа жол жоқ": КешYou тобы Украинаға ән арнады
Ресейдің халық әртісі Александр Градский қайтыс болды
Әлішер Кәрімов "Ресей дауысы" шоуына қатысты
Иманбек өзіне ескерткіш қою ұсынысына жауап берді
Қазақстандық қыздың өнері The Voice шоуының әлемдік рейтингіне енді
Мультимедиа
Ақмолалық полицейлер жасырын есірткі зертханасын жойды
Жамбыл облысында алты жұмысшы 20 қап алтынмен ұсталды
Жамбыл облысында 2,5 млн теңгенің ағашын заңсыз кескен ЖШС анықталды
Қауіпті селфи: қостанайлық полицейлер көпірден секіргісі келген қызды құтқарды
Алматы полициясы өзін өртеген әйел айыптаған қаржы пирамидасына қатысты пікір білдірді