Жамбыл облысының әкімдігінде кәсіпкерлікті дамытудың 2021-2025 жылдарға арналған ұлттық жобасын іске асыру барысы талқыланды. Кеңеске Тараз қаласы мен аудан әкімдері, басқарма, департамент басшылары мен құқық қорғау органдарының басшылары қатысты.
Ұлттық жобаны ҚР Ұлттық экономика министрлігі әзірледі. Ұлттық жобаны әзірлеу мақсаттары: халықты жұмыспен қамтуды арттыру мақсатында шағын бизнесті дамыту; экономика салаларын әртараптандырудың орта бизнес-драйверіне сүйену; бәсекелестікті кешенді дамыту-кәсіпкерлік субъектілері үшін тең жағдай. Жобаның негізгі 10 индикаторының 2-і кәсіпкерлік және индустриалды-инновациялық даму басқармасына, 4-і жұмыспен қамтуды үйлестіру және әлеуметтік бағдарламалар басқармасына, қалғаны туризм басқармасына бекітілген.
Сонымен қатар, туризм басқармасының басшысы Б.Күзембеков, жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Қ. Олжабай, өңірлік кәсіпкерлер палатасының директоры Е. Атымтаев, Қордай ауданының әкімі М. Мұсаев бұл бағыттағы жұмыстар туралы баяндама жасады.
Қаралған келесі бағыт қолөнершілер арасында бизнесті дамытуға қолдау көрсету болды. Өңір басшысы жауапты тұлғаларға мемлекеттік қолдауды әрқайсысына жеткізу бойынша жұмыс жүргізу жөнінде бірқатар тапсырма берді.