Қарағандыда мүгедектігі бар адамдарды жұмысқа орналастыру, оларға консультациялық және құқықтық көмек көрсету мәселелері жөніндегі орталық жұмыс істей бастады. Барлық қызметтер тегін көрсетіледі, деп хабарлайды kazlenta.kz.
Орталықта жұмысқа орналасуға жәрдемдеседі, әлеуметтік қызметтерді ұсыну бойынша виртуалды мемлекеттік сервистермен жұмыс істеуге көмектеседі, цифрлық қолтаңба алуға, сондай-ақ қажетті қызметті ресімдеуге көмектеседі.
– Мүгедектігі бар адамға шұғыл әлеуметтік көмек, әлеуметтік қолдау алу үшін құжаттарды ресімдеуге жәрдемдесу, жұмысқа орналасу мәселелері бойынша және т. б. қажет болуы мүмкін. Біз бұл ретте әлеуметтік қызметтер мен жұмыспен қамту өкілдерімен келіссөздер жүргізіп жатырмыз, орталықтың жұмыс жоспары әзірленді. Жақын арада жұмыспен қамту орталығының, әлеуметтік қорғау және денсаулық сақтау ұйымдарының мамандары қабылдау жүргізеді деп үміттенеміз, сондай-ақ заң консультацияларын өткізуді жоспарлап отырмыз, – деді Қарағанды облысы әкімінің мүгедектігі бар адамдар мәселелері жөніндегі штаттан тыс кеңесшісі Нияз Сүндеталиев.
Орталық QAМQOR PLUS мүгедектер қоғамдық бірлестігінің жанында жұмыс істейді.
Мекен-жайы: Нұрсұлтан Назарбаев даңғылы, 65/2.
Телефоны: 51-25-93.
Жұмыс уақыты: 09:00-ден 16: 00-ге дейін.