Қызылордада тергеу изоляторына ақша өткізбек болған азаматтың әрекеті әшкереленді, деп хабарлайды kazlenta.kz тілшісі Polisia.kz сайтына сілтеме жасап.
Қызылорда облысында қылмыстық-атқару жүйесі мекемесіне тыйым салынған затты жасырын өткізбек болған азамат анықталды. Тергеу изоляторында қамауда отырған інісіне сәлем-сауқат әкелген азамат мекеме аумағына ақшаны қалтасына жасырып өткізбек болған. Мекеменің бақылап өткізу бекетінің қызметкерлері тексеру барысында азаматтың қалтасынан ақшаны анықтады.
Аталған дерек бойынша азаматқа қатысты Қазақстан Республикасының Әкімшілік құқық бұзушылық туралы кодексінің 481-бабының 1-бөлігіне сәйкес әкімшілік материалдар жинақталып, соттың қарауына жолданды. Қылмыстық-атқару жүйесі мекемелерінде тыйым салынған заттарды өткізу әрекеттерінің жолын кесу мақсатында бақылау-тексеру жұмыстары тұрақты түрде жүргізіледі.