Күнтізбелік күздің алғашқы күндерінде Қазақстан аумағының басым бөлігі кең ауқымды солтүстік антициклонның ықпалында болады. Осыған байланысты көбіне құрғақ әрі аз бұлтты ауа райы сақталады. Түнгі уақытта республиканың солтүстік жартысында кей жерлерде үсік жүреді. Сонымен қатар күндіз ауа температурасының біртіндеп жоғарылауы күтіледі, деп хабарлайды kazlenta.kz.
1–2 қыркүйекте республиканың солтүстігі мен шығысында, орталығында солтүстік циклонның жырасы және онымен байланысты атмосфералық фронттардың әсерінен түнгі уақытта жаңбыр және жылбысқы қар түрінде жауын-шашын, күндіз жаңбыр жауып, найзағай болады. Кезең ішінде Алматы облысының таулы аудандарында найзағаймен бірге қатты жаңбыр және бұршақ күтіледі. Солтүстік, шығыс, оңтүстік және оңтүстік-шығыс өңірлерде жел күшейеді. Елдің солтүстік-батысында, солтүстігінде және шығысында түнгі және таңертеңгі уақытта кей жерлерде тұман болжанады.
Ауа температурасы:
Елдің батысында түнде ауа температурасы +10+18°C, күндіз +25+30°C-тан +28+33°C-қа дейін біртіндеп жоғарылайды.
Маңғыстау облысында түнгі негізгі температуралық фон +13+21°C, күндіз +27+32°C-тан +30+35°C-қа дейін аздап жоғарылайды.
Солтүстік-батыс және солтүстік өңірлерде түнде ауа температурасы 0,+5°C, кей жерлерде 3 градусқа дейін үсік, кейін *+2+7°C* аралығында болады. Өңірдің батысында *+10°C-қа дейін, топырақ бетінде *1 градусқа дейін үсік* күтіледі. Күндіз ауа температурасы *+10+28°C-тан +20+33°C-қа дейін* көтеріледі.
*Шығыс және орталық өңірлерде* түнде ауа температурасы *0,+5°C, өңірдің оңтүстігінде *+10°C*, кей жерлерде *3 градусқа дейін үсік* болжанады. Күндіз температура *+12+25°C-тан +15+30°C-қа дейін* жоғарылайды.
*Қазақстанның оңтүстік өңірлерінде* түнгі ауа температурасы *+13+18°C-тан +10+15°C-қа дейін, таулы аудандарда *+5+10°C-тан +3+8°C-қа дейін** төмендейді. Күндіз ауа температурасы *+20+25°C-тан +18+23°C-қа дейін, таулы аудандарда *+10+15°C-тан +7+12°C-қа дейін** аздап өзгереді.