Алматы қаласының әкімі Дархан Сатыбалдының төрағалығымен өткен аппараттық кеңесте қалалық қызметтердің жұмыс тиімділігін арттыру, тұрғындармен өзара іс-қимылды жетілдіру және азаматтардың өтінішін жылдам қарау мәселесі қаралды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Жиын барысында Бірыңғай 109 байланыс орталығының қызметі, тұрғындардың өтінішін заңнамада белгіленген мерзімде қарау, халықпен кері байланыстың сапасын арттыру, сондай-ақ аудан әкімдіктері мен тиісті басқармалар арасындағы үйлестіру жұмыстарын жетілдіру жайы талқыланды.
Кеңес соңында Алматы әкімі Дархан Сатыбалды тұрғындар өтінішінің уақытылы орындалуын қатаң бақылауға алуды, көтерілген түйткілдерді жедел шешуді, мемлекеттік қызмет сапасы үшін басшылардың жеке жауапкершілігін арттыруды және атқарылып жатқан жұмыстар туралы тұрғындарды дер кезінде хабардар етіп отыруды тапсырды.