Алматының Наурызбай ауданында Тастыбұлақ өзенінің Сәбденов көшесінен Райымбек даңғылына дейінгі жағалауын көріктендіру жұмыстары жалғасуда. Бұл туралы Наурызбай ауданы әкімдігінің өкілдері мәлімдеді, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Жоба аясында өзеннің екі жағалауымен жалпы ұзындығы 1,4 шақырым болатын жүргіншілерге арналған серуендеу аймағы салынады.
Сондай-ақ, тұрғындардың серуендеп, демалуына қолайлы қоғамдық кеңістік қалыптастыру көзделген. Аудан әкімдігінің мәліметінше, жоба қаладағы қоғамдық кеңістіктерді дамытуға және қалалық ортаның жайлылығын арттыруға бағытталған.