Алматының Наурызбай ауданында «Халық қатысатын бюджет» бағдарламасы аясында жүзеге асырылған жобаларды таныстыру мақсатында баспасөз туры өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Аудан әкімі Нәзира Тоғызбаева көріктендіру жұмыстарының нәтижесін көрсетті. «Барлық» базарының алдында ұзындығы 450 метр болатын жаңа қоғамдық аймақ пайда болды. Мұнда 150 ағаш пен 60 бұта отырғызылып, қоршаулар орнатылып, электр желілері жер астымен жүргізілді. Шұғыла шағын ауданында жаяу жүргіншілер аймағы ашылды. Балалар және баскетбол алаңдары, амфитеатр салынды. Сондай-ақ, «Эдельвейс» бау-бақша серіктестігінде жолдар көріктендіріліп, 14 500 м² жабыны жаңартылды.Рахат шағын ауданында көпқабатты үйлердің қасбеті мен футбол алаңы жаңартылды. Аудан әкімі тұрғындардың ауданның дамуына атсалысуының маңыздылығын атады. Олардың бастамасы мен «Халық қатысатын бюджет» бағдарламасының арқасында Наурызбай ауданы түрленіп, жаңарып келеді!12-12-2024, 12:41
Наурызбай ауданы: жайлы өмір үшін көріктендіру
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз