Ақтауда аса ірі көлемдегі есірткі сақтаған күдікті ұсталды, – деп хабарлайды kazlenta.kz тілшісі Polisia.kz сайтына сілтеме жасап.
Маңғыстау облысы полиция департаментінің есірткі қылмысына қарсы іс-қимыл басқармасы, Маңғыстау облысы бойынша ҰҚК департаментінің 5-басқармасы қызметкерлері, сондай-ақ полиция департаментінің кинологиялық қызмет орталығының мамандары мен Кира қызметтік-іздестіру иті қатысқан бірлескен жедел-іздестіру іс-шаралары барысында Ақтау қаласында есірткі заттарын заңсыз сақтау фактісі анықталды.
Тексеру нәтижесінде күдіктіден жалпы салмағы 4 келіден асатын гашиш есірткі заты тәркіленді. Аталған дерек бойынша есірткі заттарын өткізу мақсатынсыз аса ірі мөлшерде заңсыз сақтау фактісі бойынша қылмыстық іс қозғалды. Күдікті ұсталып, уақытша ұстау изоляторына қамалды.