Елорданың «Көктал» сауда-ойын-сауық орталығында AMANAT партиясының Астана қалалық филиалы қоғамдық қабылдау өткізді, деп хабарлайды kazlenta.kz тілшісі қала әкімдігінің ресми сайтына сілтеме жасап.
Қабылдау сауда аумағында ұйымдастырылды. Келушілер өз мәселелері бойынша мемлекеттік органдар мен әлеуметтік қызмет өкілдеріне жүгіне алды.
Іс-шараға Тұрғын үй және тұрғын үй инспекциясы басқармасының, білім беру, денсаулық сақтау, энергетика салаларының өкілдері, Мемлекеттік кірістер департаментінің, полицияның, БЖЗҚ қызметкерлері, сондай-ақ елорда аудандарының әкімдері қатысты.
Қариялар негізінен заңдық мәліметтер бойынша жүгінді, жас отбасылар тұрғын үй бағдарламаларына қызығушылық танытты, ал кейбіреулер төлемдерді анықтауға немесе жұмысқа орналасу бойынша кеңес алу үшін келді.Көпшілік бір орында әртүрлі ведомство өкілдерімен сөйлесу мүмкіндігіне ие болды.
Партияның елордалық филиалының атқарушы хатшысы Мұхаммед Болысбек атап өткендей, мобильді қосымша қоғамдық қабылдаудың форматы «бір терезе» принципі бойынша құрылған.
«Кез келген азамат бірден бірнеше құзыретті мекемеден кеңес ала алады, өтініш, шағым немесе үндеу қалдыра алады. Бұған дейін қоғамдық қабылдаулар тек филиал ғимаратында өткізіліп келсе, енді біз күнделікті адамдар көп жиналатын алаңдарға шығып жатырмыз», – деді ол.