Павлодарда полиция есірткілік масаң күйде көлік басқарған жүргізушілерді ұстады, - деп хабарлайды kazlenta.kz тілшісі Polisia.kz сайтына сілтеме жасап.
Жол-көлік оқиғаларының негізгі себептерінің бірі – жол қозғалысы ережелерін сақтамау ғана емес, сонымен қатар көлікті масаң немесе есірткілік әсерде басқару. Көп жағдайда ауыр жол апаттары кездейсоқтық емес, саналы түрде жасалған қауіпті әрекеттердің салдары болып табылады. Бұл жолы Павлодар қаласында патрульдік полиция қызметкерлері есірткілік масаң күйде көлік басқарған екі жүргізушіні анықтады.
Полиция азаматтарға жол қозғалысы ережелерін қатаң сақтаудың маңыздылығын еске салады. Бүгінде құқық бұзушылық үшін тек ірі айыппұл ғана емес, жүргізуші куәлігінен ұзақ мерзімге айыру және әкімшілік қамауға алу сияқты қатаң шаралар қарастырылған. Масаң немесе есірткілік күйде көлік басқару – өз өміріне ғана емес, айналадағы адамдардың қауіпсіздігіне де тікелей қауіп төндіреді.