Астанада блогер Ерболат Жанәбіловке қатысты сот үкімі шықты, деп хабарлайды kazlenta.kz тілшісі Tengrinews.kz сайтына сілтеме жасап.
Ерболат Жанәбіловке мүлкі тәркілене отырып, екі жылға шартты түрде бас бостандығынан айыру жазасы кесілді.Бұған дейін мәміле шарттары бойынша прокурор Ерболат Жанәбіловке екі жылға шартты түрде бас бостандығынан айыру жазасын мүлкін тәркілей отырып тағайындауды, ал Эльмира Төлегеноваға жазаның орындалуын екі жылға шегере отырып, екі жылға бас бостандығынан айыру жазасын беруді сұрағаны хабарланған болатын.Сондай-ақ сотта прокурор Олжас Хайруллаев сотталушылардың өз еркімен мүліктік залалды өтегенін хабарлады, оның мөлшері – 247 653 229,5 теңге. Оның айтуынша, бұл сома толығымен өтелген.