Оралда генерал Шәкір Шексенбаевтың 125 жылдығына орай республикалық конференция өтті, деп хабарлайды kazlenta.kz тілшісі БҚО әкімдігіне сілтеме жасап.
Конференция «Атамекен» өнер ордасының конференц-залында ұйымдастырылды. Генерал Шәкір Жексенбаев – Бөкей Ордасы ауданында дүниеге келген. Ұлы Отан соғысы жылдарында химиялық әскерлер жүйесінде жауапты қызмет атқарған, әскери ғылым мен әскери басқару саласына үлес қосқан көрнекті тұлғалардың бірі.Шараны Батыс Қазақстан облысының әкімдігі және ҚАЗИИТУ ғылыми білім кешені бірлесіп өткізді.
Конференцияның мақсаты – генерал Шәкір Жексенбаевтың өмірі мен әскери қызметін ғылыми тұрғыда зерттеу, оның тарихи мұрасын насихаттау, сондай-ақ жастар арасында әскери-патриоттық тәрбие жұмысын дамыту.
Конференцияға Қазақстанның жетекші әскери тарихшылары, Ұлттық қорғаныс университетінің ғалымдары, «Генералдар кеңесі» республикалық қоғамдық бірлестігінің өкілдері, жоғары оқу орындарының профессор-оқытушылар құрамы, студенттер, әскери қызметкерлер және қоғам қайраткерлері қатысты.
Шара барысында генерал Шәкір Жексенбаевтың өмірі мен қызметіне арналған ғылыми баяндамалар тыңдалып, архив құжаттары мен музей қорларындағы тарихи материалдар негізінде арнайы көрме ұйымдастырылды.