Freedom Bank астаналық филиалының қызметкерлері Қазақстандағы жаңа Конституция жобасын талқылап, оның қоғам мен экономикаға ықпалы жөнінде пікір алмасты. Кездесу барысында банк ұжымы конституциялық өзгерістердің ел дамуына, азаматтардың құқықтары мен мүмкіндіктеріне қалай әсер ететіні туралы өз ойларын ортаға салды, деп хабарлайды kazlenta.kz.
Қаржы саласының қызметкерлері жаңа Конституцияның негізгі бағыттары, мемлекеттік басқаруды жетілдіру, азаматтардың құқықтарын қорғау және елдегі тұрақтылықты нығайту мәселелеріне тоқталды. Жиын барысында өңірдің инфрақұрылымын дамытуға өз үлесін қосып жүрген кәсіпкер Ербол Арынұлы да қатысып, өз пікірін білдірді. Оның жетекшілігімен 20-ға жуық нысан бой көтерген. Олардың қатарында тұрғын үй кешендері, балабақшалар және мешіт сияқты әлеуметтік маңызы бар ғимараттар бар. Кәсіпкердің айтуынша, елдегі конституциялық реформалар қоғамның барлық саласының дамуына жаңа серпін береді.
Қатысушылар мұндай ашық талқылаулар қоғамдағы маңызды реформаларға бейжай қарамай, азаматтық белсенділікті арттыруға мүмкіндік береді. Ербол Сихимбаевтың айтуынша, қазіргі таңда геополитикалық жағдай шиеленісіп кеткендіктен, көптеген шешімдер жедел түрде қабылдануы қажет.
«Жаңартылған Конституция аясында «Вице-президент» посты тағайындалады, бұл өзгеріс мемлекет басқару жүйесінде шешім қабылдаудың жылдамдығын арттырмақ. Сондай-ақ, 1 шілдеде Парламент өз жұмысын доғарады және жаңа депутаттар сайланады. Конституция 84 %-ға жаңартылып, заман ағымына сай жаңа ұғымдар енгізілмек», — деді ол.
Кездесуде қызметкерлер құқықтық, әлеуметтік және экономикалық саладағы басқа реформаларға да тоқталды. Олар мемлекеттік басқаруды жетілдіру, квазимемлекеттік сектордағы ашықтықты арттыру, бизнес пен инвестиция үшін жағдай жасау сияқты маңызды бастамаларды талқылады. Сондай-ақ, білім беру жүйесін жаңғырту, денсаулық сақтау сапасын арттыру және өңірлердің инфрақұрылымын дамыту мәселелері де сөз болды.Қатысушылар бұл реформалардың барлығы жаңа Конституциямен бірге қоғамның барлық саласын кешенді түрде дамытуға бағытталғанын атап өтті. Жиын соңында олар әр азаматтың референдумға қатысуы маңызды екенін, әр дауыс елдің болашағына нақты әсер ететінін ерекше еске салды.
