Елордадағы Эко-хабта қаладағы Тұрақты даму мақсаттарына (ТДМ) қол жеткізу және оларды іске асыру бойынша мониторингке арналған бірқатар іс-шара өтті, деп хабарлайды kazlenta.kz тілшісі Астана қаласы әкімдігінің ресми сайтына сілтеме жасап.
Іс-шаралар төрт кезеңнен тұрды. Бірінші кезең аясында белсенділер мен үкіметтік емес ұйымдардың өкілдеріне арналған воркшоп ұйымдастырылды.Спикерлер қоғамдық ұйымдардың өз бастамаларын күшейту үшін мемлекетпен және қоғаммен қалай өзара әрекеттесу керектігін түсіндірді.
ҮЕҰ мен мемлекеттік органдардың өкілдері ортақ мәселелерді талқылап, даму нүктелерін айқындады.Екінші кезең практикалық бөлім болды және нақты кейстерге арналды.Қатысушылар әлеуметтік жобалардың мысалдарын талдап, олардың кеңеюіне кедергі келтіретін факторларды атап өтті. Сонымен қатар өз идеяларын ұсынды.Одан кейін Тұрақты даму мақсаттары контекстінде өзекті әлеуметтік мәселелерді шешуге бағытталған жаңа идеяларды қоғам талқылауы өтті.Қорытынды бөлімде «Астанада Тұрақты даму мақсаттарына қол жеткізу және іске асыру» жобасының нәтижелері талқыланған дөңгелек үстел ұйымдастырылды.
Бұл күннің ерекшелігі – бір үстел басына әр буын мен әртүрлі саланың өкілдері жиналды. Әрқайсысының айтары болды.