Алматы саябақтарында жарықтандыру жаңғыртылып жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қаланың барлық аудандарында саябақтар мен скверлердегі жарықтандыруды жақсартуға бағытталған жұмыстар жүргізілуде. «Алматы Қала Жарық» МКК мәдениет және демалыс орындарында шамдарды ауыстырып, желілерді жөндейді және керек жерге қосымша жарық көздерін орнатады.Ахмет Байтұрсынұлы атындағы саябақта ауқымды жұмыс жүргізілді. Аллеяларда тұрған ескі лампалар толығымен заманауи шамдарға ауыстырылды, ал оның сыртында жаяу жүргіншілерге арналған жаңа шамдар орнатылды. Бұған дейін Жамбыл мен Байтұрсынұлы көшелерінің қиылысындағы тротуар жарықтандырылмаған болатын,-делінген хабарламада.