Алматыда қала әкімі Ерболат Досаевтың тапсырмасы бойынша ескі сынап және натрий шамдары заманауи жарық диодты шамдарға ауыстырылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
2024 жылдың 10 айында 5000-нан астам жарықтандыру құрылғылары жаңарды.Мысалы, Наурызбай ауданында Абай мен Алатау даңғылдарының қиылысында 335 жаңа шам, ал Түрксіб ауданында Сүйінбай даңғылында 260 шам орнатылды. Жетісу және Алатау аудандарында Көкжиек, Зерделі ш/а көшелеріндегі жарықтандыру жаңартылды. Тұрғындар ескі шамдарды ауыстыру жарықтандыруды жақсартып, қараңғы жерлерді жойғанын атап өтті. 300-500 ватт шамдарды ауыстырған жаңа шамдар қуат тұтынуды 90% - ға азайтты.Сонымен қатар, жарық диодты шамдардың қызмет ету мерзімі 50 000 сағатқа дейін — ескі үлгілерден 30 есе ұзағырақ.Шамдарды ауыстыру жұмыстары 2025 жылы да жалғасады.28-11-2024, 12:30
Алматыда ескі шамдар жаңа LED-шамдарға ауыстырылуда
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз