25 қазанда Астананың алты ауданында Республика күніне арналған мерекелік концерттер өтеді, деп хабарлайды kazlenta.kz тілшісі Астана әкімдігінің ресми сайтына сілтеме жасап.
Сонымен концерттік бағдарламалар келесі жерлерде өтеді: Алматы ауданы - "Жерұйық" паркі және "Теміржол" тұрғын алабында (Керегетас көшесі бойындағы саябақ) сағат 12:00-де басталады; Байқоңыр ауданы - "Ататүрік" паркі және "Өндіріс" тұрғын алабында сағат 15:00-де басталады; Есіл ауданы – "Бағыстан" ТК сағат 15:00-ден басталады;Нұра ауданы - "Айғыржал" және "Жағалау" саябақтары сағат 12: 00-де, "Мереке" бағы сағат 15:00-де басталады; Сарыарқа ауданы - Қалалық алаң және "Қорғалжын" саябағы (Көктал-2 ТК) сағат 15: 00-де басталады;Сарайшық ауданы - "Қазақ елі" алаңы сағат 15:00-де спорттық жарыстар басталады және сағат 16.00-ден концерттік бағдарлама басталады, "Өндіріс" ЖМ (Шалкөде көшесі, 1) және "Отау" ТК (А көшесі 105, 20/1) сағат 12:00-де басталады. Шарада елорда тұрғындары мен қонақтары үшін түрлі мәдени және спорттық іс-шаралар ұсынылады.
Концерттік бағдарламаларға шығармашылық ұжымдар, Мәдениет басқармасының ведомстволық бағынысты мекемелерінің солистері және белгілі қазақстандық орындаушылар қатысады. Естеріңізге сала кетейік, республика күніне орай Астанада 150-ге жуық мәдени-бұқаралық, білім беру, спорттық және әлеуметтік іс-шаралар, оның ішінде мерекелік концерттер, көрмелер, дөңгелек үстелдер, ұлттық спорт түрлері бойынша турнирлер өткізіледі. Іс-шаралар орталық алаңдар мен ірі нысандарда, сондай-ақ тұрғын үй алаптарының аумақтарында, білім беру ұйымдарында өтеді. Мереке аясында елордада және әр ауданда түрлі салалардың еңбек сіңірген қызметкерлері, еңбек ардагерлері, батылдық танытқан азаматтар марапатталады. Бұл күндері білім беру ұйымдарында дөңгелек үстелдер, пікірталас турнирлері, көрмелер, танымал адамдармен кездесулер, конференциялар, шығармашылық конкурстар, эсселер мен оқырмандар конкурстары, түрлі патриоттық челлендждер өткізіледі.