Жаз соңында Алматы әкімі Дархан Сатыбалды Түрксіб ауданындағы «Алтын сити» тұрғын үй кешенінің тұрғындарымен кездесіп, олар тұрмыстық қолайсыздықтарға байланысты бірқатар мәселе көтерген болатын, деп хабарлайды kazlenta.kz тілішсі Алматы қаласы әкімдігінің баспасөз қызметіне сілтеме жасап.
Тұрғын уй кешенінде 50 метрге жуық кәріз құбыры ауыстырылып, жертөлені су басуына себеп болған монтаж қателіктері түзетілді. Сондай-ақ жылыту қазандықтары мен сорғылар жөнделіп, су жұмсартқыш қондырғылар жаңартылды.Қазір 96 үйді жылумен қамтамасыз ететін қосымша қазандықтың құрылысы жүріп жатыр. Әкімнің тапсырмасымен тұрғын үй кешеніне кіреберіс жол жөнделді. Энергетиктер үйлерді жақын маңдағы қуат көздеріне қайта қосып, электрмен қамту тұрақтандырылды, жарықтың жиі өшуі мәселесі шешімін тапты.Қазір аулада жағымсыз иіс жоқ, жылу тұрақты беріліп жатыр. Мәселемізді жедел шешкені үшін қала әкіміне алғыс айтамыз», — деп «Алтын сити» тұрғыны Әйгерім ризашылық білдірді.