Алматыда ауа температурасының күрт төмендеуіне байланысты қала әкімі Дархан Сатыбалдының тапсырмасымен жылыту маусымын әдеттегіден ертерек бастау туралы шешім қабылданды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
8 қазаннан бастап жылу ең алдымен балабақшаларға, мектептерге және медициналық мекемелерге беріледі.Тұрғын үйлерді орталық жылу жүйесіне қосу 10 қазаннан басталады.Жылу берілгеннен кейін ПИК пен МИБ мамандары үйдің ішкі жылыту жүйелерін ретке келтіреді: радиаторлар мен тікқұбырлардағы ауаны шығарып, қысымды реттейді және пәтерлердің біркелкі жылынуын қамтамасыз етеді.«Алматы жылу жүйесі» компаниясы айналым режимді іске қосқан. Бұл қажет болған жағдайда барлық ауданға жылуды жедел беруге мүмкіндік береді.Қысқы кезеңге дайындық толық аяқталған. Ықтимал ақауларды жедел жою үшін материалдар мен жабдықтардың апаттық қоры жасақталған. 2025–2026 жылғы жылыту кезеңінде 16 апаттық және жөндеу бригадасы, барлығы 220 маман мен 56 техника бірлігі тәулік бойы кезекшілік атқарады.