Алматы әкімі Дархан Сатыбалды абаттандыру және инженерлік инфрақұрылым нысандарын аралап, атқарылып жатқан жұмыстармен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Республика алаңы – 1979 жылы сәулетші Қ. Монтахаев жасаған тарихи келбетті сақтай отырып, субұрқақтарға күрделі жөндеу жүргізілуде. Архитектуралық мұра заманауи сорғы және жарық жүйесімен, сондай-ақ сұйық хлор қолданылмайтын су тазарту жүйесімен толықтырылады. Назарбаев даңғылының батысында, Ганди көшесінің солтүстігінде орналасқан жаңа саябақта көгалдандыру мен тұрғындарға қолайлы орта қалыптастыруға ерекше көңіл бөлінген. Тәттімбет – Луганский – Коккинаки – Қастеев – Бөгенбай батыр көшелеріндегі газ құбырының қайта жаңғыртуы – ескі желілер жаңасымен алмастырылуда. Бұл оңтүстік-шығыс бөліктің газбен қамту сенімділігін арттырады,-делінген хабарда.Дархан Сатыбалды жұмыстардың уақытылы әрі сапалы орындалуын қамтамасыз етуді тапсырды.Барлық жоба Алматы қаласының қалалық инфрақұрылымды жаңғырту бағдарламасы аясында жүзеге асырылуда.