Алматы қаласының 8-шағынауданында, Алтынсарин көшесі бойындағы №37 үйдің жанындағы бос аумақта абаттандыру жұмыстары аяқталды.Жоба 2025 жылға арналған «Халық қатысатын бюджет» бағдарламасы бойынша жүзеге асырылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Мұнда орнатылған жаңа нысандар: Асфальт және кеспе тас төселді 27 заманауи көше шамы қойылды ыңғайлы орындықтар, соның ішінде ұзындығы 16 метрлік орындық тербелмелі перголалар – демалыс пен кездесуге арналған орын, 180-нен астам ағаш пен бұта отырғызылды, 110 шаршы метрлік альпі төбешігі мен жасыл қоршау көгал және оны күтіп-баптауға арналған автоматты суару жүйесі.Бұл сквер аудан тұрғындарының бастамасы мен мемлекеттік қолдаудың нәтижесінде пайда болды,-делінген хабарда.
