Әкім Дархан Сатыбалды А.Иманов атындағы сквердің көркейту жұмыстарын тексерді. Мұнда кеспе тастар, көше жиһаздары жаңартылып, перголалар орнатылды. Тұрғындардың өтінішімен балалар алаңы мен ит серуендеуге арналған аймақ жасалды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Мүсірепов атындағы театрдың маңында орналасқан скверге күрделі жөндеу жұмыстары жүргізілмек. Жарықтандыру, әткеншектер, перголалар және тақырыптық аймақтар пайда болып, қазіргі демалыс орындары жаңартылады. Әкім скверге арналған жобамен танысты. Театр элементтерімен көмкерілген, интерактивті жарықпен жабдықталған жобаның балаларға да ұнайтыны анық. Мәселен, жарық құрылғысы адам қимылдағанда автоматты түрде жанып, ерекше әсер қалдырады. Шаһар басшысы Гоголь көшесіндегі бір аулаға да барды. Мұнда «Халық қатысатын бюджет» бағдарламасы аясында жоба қолға алынған. Тұрғындар жаңарған аумаққа, жалпы жұмыс сапасына көңілі толатынын айтып, ой-пікірінің ескерілгенін жеткізді.17-06-2025, 17:40
Алматыда Мүсірепов атындағы театр жанындағы сквер көркейтіледі
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз