Елордадағы №8 мектеп-лицейдің 9-сынып оқушысы Сүйіндік Медина жасанды интеллекті пайдалану арқылы жаңа әлеуметтік жүйе ойлап тапты. Ол «Адал байланыс» деп аталатын жоба арқылы оқушылардың пікірін ескеріп, мектеп әкімшілігіне ұсыныстар мен шағымдарды дер кезінде жеткізуге мүмкіндік беруді көздейді, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Жаңа жүйе оқушы үнін ашық тыңдауға жағдай жасап қана қоймай, мектеп басшылығының да назарын аударды. Бүгінде аталған бастама тәжірибеден өтіп, білім ордасы ішінде қолданысқа енгізілген. «Адал байланыс» жүйесі арқылы білім алушылар өздерінің қиындықтарын жасырмай жеткізе алады. Сонымен бірге, жаңа идеяларын тікелей мектеп әкімшілігіне ұсынып, қажетті шешімдердің қабылдануына ықпал етеді. Жобаның авторы – Медина бұл бастама арқылы мектептегі цифрлық мәдениетті дамытуға, оқушылардың белсенді азаматтық ұстанымын қалыптастыруға үлес қосуды мақсат етеді.11-09-2025, 18:10
Елордалық мектепте ЖИ арқылы оқушы үнін тыңдайтын «Адал байланыс» жүйесі іске қосылды
Егер мәтінде қате байқасаңыз, оны таңдап, Ctrl+Enter пернелерін басыңыз