Қазақстан Ішкі істер министрлігінің Интерпол Ұлттық орталық бюросының сұрауы негізінде Черногорияның Бар қаласында халықаралық іздеуде жүрген екі күдікті ұсталды, деп хабарлайды kazlenta.kz тілшісі Polisia.kz сайтына сілтеме жасап.
Тергеу мәліметінше, оларға есірткі мен психотроптық заттарды сату, оларды тұтынуға итермелеу, ұйымдасқан қылмыстық топ құрамында болу және лауазымды тұлғаға пара беру фактілері бойынша күдік келтірілген.
2024 жылдың басында күдіктілер Telegram мессенджері арқылы интернет-дүкен ашып, есірткі мен психотроптық заттарды таратумен айналысқаны анықталды. Қылмыстық схема аясында олар курьерлік жұмысқа қабылдау жөніндегі жалған хабарландырулар арқылы өзге адамдарды тартқан, сондай-ақ барлық заңсыз әрекеттерді ұйымдастырып, қаржыландырған. Қазіргі уақытта олар Черногория аумағында қамауда отыр.