Абай облысында дронның көмегімен абаттандыру қағидаларын бұзу фактісі анықталды, — деп хабарлайды kazlenta.kz тілшісі Polisia.kz сайтына сілтеме жасап.
Абай облысында полицейлер патрульдеу барысында ұшқышсыз ұшу құрылғысын пайдалану арқылы қатты тұрмыстық қалдықтарды заңсыз төгу дерегін тіркеді. Шара барысында Шығыс кенті аумағында тіркемесі бар КамАЗ жүк көлігінің жүргізушісі тұрмыстық қалдықтарды белгіленбеген жерге төккені анықталды. Аталған құқық бұзушылық дрон арқылы әуеден бейнетіркеуге түсірілді. Оқиға орнына бірден учаскелік полиция инспекторы жіберілді. Құқық бұзушыға қатысты елді мекендер мен қалалар аумақтарын абаттандыру қағидаларын бұзу, сондай-ақ инфрақұрылым нысандарын бүлдіру, жасыл желектерді жою және зақымдау фактісі бойынша хаттама толтырылды. Абай облысында полиция экологиялық нормалар мен абаттандыру қағидаларын сақтау – әрбір азаматтың міндеті екенін ескертеді. Қалдықтарды арнайы белгіленбеген орындарға тастау – әкімшілік жауапкершілікке әкеледі. Аймақтағы экологиялық қауіпсіздік пен тазалықты сақтау мақсатында бақылау шаралары заманауи технологияларды, оның ішінде ұшқышсыз ұшу аппараттарын қолдану арқылы жалғасатын болады.Кеше, 09:37
Абай облысында дронның көмегімен абаттандыру қағидаларын бұзу фактісі анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз