Төлеби ауданының полициясы жыл басынан бері "Таза Қазақстан" акциясы аясында 100-ге жуық әкімшілік құқық бұзушылықты анықтады, – деп хабарлайды kazlenta.kz тілшісі Polisia.kz сайтына сілтеме жасап.
Яғни ортақ пайдаланылатын орындарды ластаған және белгiленбеген орындарға коммуналдық қалдықтарды тастаған 67, қалалар мен елдi мекендердiң аумақтарын абаттандыру қағидаларын бұзған және жасыл екпелерді бүлдірген 21 құқық бұзушыға шара көрілген. Мәселен, полиция Киелітас ауылында төрт түлік қиы бір төбе болып жиналған орынды байқады. Бірден тексеру шараларын жүргізіп, абаттандыру қағидаларын бұзған жергілікті тұрғынды анықтады. Ол өзінің қорасынан 5 тоннаға жуық қиды шығарып, көше бойына жинап тастаған. Өңір тазалығына нұқсан келтірген тұрғынға заң талаптарына сәйкес айыппұл салынды. Тазалықты әркім өзінен, үйінің, ауласының және жұмыс орнының маңынан бастауы тиіс. Сондықтан полиция азаматтарды қоршаған ортаны таза ұстауға және ластамауға шақырады.Кеше, 11:12
Түркістан облысында абаттандыру қағидаларын бұзған тұрғын анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз