Ақмола облысында “Таза Қазақстан” акциясы аясында 7 мыңнан астам әкімшілік құқық бұзушылық анықталды, – деп хабарлайды kazlenta.kz тілшісі Polisia.kz сайтына сілтеме жасап.
“Таза Қазақстан” республикалық экологиялық акциясы аясында Ақмола облысы ПД жергілікті полиция қызметі басқармасының табиғатты қорғау полициясы тобының қызметкерлері қоршаған ортаны абаттандыру ережелерін бұзушылықтардың алдын алу, ортақ пайдалану орындарының ластануына жол бермеу мен қатты тұрмыстық және құрылыс қалдықтарын осы үшін бөлінген орындардан тыс жерде сақтау бойынша іс-шаралар жүргізуде.
Өткен кезеңде полицейлер 8 мыңнан астам рейдтік іс-шара өткізді, оның барысында 7 мыңға жуық әкімшілік құқық бұзушылық анықталды, абаттандыру ережелерін бұзу – 3754 факт, жалпы пайдалану орындарының ластануы – 2539, 196 стихиялық қоқыс орны және т. б. анықталды.
Акция аясында елордалық өңірлерге, атап айтқанда Қосшы қаласына, Аршалы кентіне, Ерейментау, Целиноград аудандарына және Шортанды кентіне бару жүзеге асырылды, олардың нәтижелері бойынша 124 әкімшілік хаттама жасалды, оның 18-і заңды тұлғаларға қатысты.
Сондай-ақ 12 рұқсат етілмеген қоқыс орны анықталды, ауылдық округ әкімдеріне қатысты материалдар жиналды және әкімшілік жауапкершілікке тарту үшін экология департаментіне берілді.
Сондай-ақ іс-шара шеңберінде полиция қызметкерлері құзыретті мемлекеттік органдармен және қоғамдық көмекшілермен бірлесіп, белгіленбеген жерлерде абаттандыру және қалдықтарды шығару ережелерін бұзуға жол бермеу туралы халыққа түсіндіру жұмыстарын ұйымдастырды.
“Таза Қазақстан” экологиялық акциясы жыл соңына дейін жалғасады.