Алматы әкімі Дархан Сатыбалды күзгі ағаш отырғызу науқанына дайындық, көшелерді тазалау және жаңа көріктендіру стандарттарын енгізу бойынша кеңес өткізді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
53 мыңнан астам ағаш отырғызылмақ. Оның ішінде 9,3 мың ірі көшет бар. Кесілген ағаштың орнына 22 мыңнан астам ағаш егіліп, 356 мың бұталы жасыл аймақтар құру көзделген. Алатау, Наурызбай және Жетісу аудандарындағы 52 учаскеде жасыл желекті күтіп-баптау үшін ұзындығы 290 шақырым болатын автоматты суару жүйесі орнатылады.Қала аумағында жасыл желекті көбейту мақсатында қалалық тәлімбақ салу көзделіп отыр. Жобалау жұмыстары 2026 жылдың соңына дейін аяқталуға тиіс. Қала көшелері мен қоғамдық кеңістіктерді көркейтуге бағытталған жаңа бағдарлама таныстырылды. Скверлерге, бульварларға және басқа да жасыл аймақтарға күтім жасау үшін «Жасыл Алматы» орталығы құрылады. Көріктендіру, ландшафттық дизайн, автоматты суару және жарықтандыру саласында бірыңғай стандарттар енгізілуде. Санитарлық тазалықты қамтамасыз етуге арналған, сапа мен жұмыс кестесіне нақты талаптар қойылатын бірыңғай регламент әзірленіп жатыр-, делінген хабарлмада.
