4-06-2025, 10:15

Алматы әкімі Дархан Сатыбалды қаланың Экология және қоршаған орта басқармасының бір жылдық жұмыс қорытындысымен және алдағы жоспарларымен танысты

Фото: Алматы қаласы әкімдігінің баспасөз қызметі

Алматы әкімі Дархан Сатыбалды қаланың Экология және қоршаған орта басқармасының бір жылдық жұмыс қорытындысымен және алдағы жоспарларымен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.

Басқарма атмосфералық ауаны жақсарту, жасыл желекті көбейтіп, қалдықтар мен су ресурстарын басқарудың тиімді жүйесін ұйымдастыру бойынша кешенді жұмыстар атқаруда.Ал биыл Алматыда 300 мыңнан астам ағаш отырғызу жоспарланған. Әрі гүлмен көріктендіру алаңдары 220 мың шаршы метрге дейін кеңейтілмек. Бұл ретте көпжылдық өсімдіктерді отырғызуға басымдық беріледі.Жасыл желектердің жай-күйін бағалау мақсатында олардың түгендеу және орман-патологиялық тексеру негізінде Алматы қаласының жасыл қорын дамыту жөніндегі іс-шаралар жоспары мен дендрологиялық жоспар әзірленеді. Бұл жұмыстардың сапасын арттыруға мүмкіндік береді.Кездесу барысында мамандар ағаштардың жағдайын анықтап, оларды сақтау шараларын қабылдауға мүмкіндік беретін резистограф құралдарын таныстырды, - делінген хабарламада.

Кездесу қорытындысы бойынша қала басшысы жүргізіліп жатқан жұмыстардың сапасына бақылауды күшейтуді тапсырды. Әрі қалада тұрақты экологиялық жағдайды қалыптастыруға ерекше назар аударуды баса белгіледі.

Егер мәтінде қате байқасаңыз, оны таңдап, Ctrl+Enter пернелерін басыңыз




Или водите через социальные сети