Астаналық тұрғынның автокөлігінен 600 грамнан астам есірткі табылды, – деп хабарлайды kazlenta.kz тілшісі Polisia.kz сайтына сілтеме жасап.
Солтүстік Қазақстан облысында полицейлер облыстық прокуратурамен бірлесе отырып, Петропавл қаласына есірткі тасымалдау арнасын әшкереледі. Жедел-іздестіру іс-шаралары барысында 27 жастағы елорда тұрғынының есірткі айналымына қатысы болуы мүмкін екені анықталды. Ол Daewoo Nexia автокөлігін тізгіндеген. Сәуір айында ол "Оңтүстік" бекетінде тоқтатылды. Көліктің салонын тексеру кезінде полицейлер орындық астынан үш түйіншек салынған барсетканы тапты. Оның ішінен 490 грамнан астам синтетикалық α-PvP есірткісі және 100 грамнан астам каннабис шайыры табылды.
Аталған факті бойынша қазіргі уақытта тергеу жүргізілуде. Бар мәліметтерге сүйенсек, күдікті есірткі сатқан интернет-дүкендердің біріне жұмыс істеген. Полицейлер жастарды "жеңіл табыс" көзіне алданбауға шақырады. СҚО-дағы есірткіге қарсы күрес тәжірибесінде есірткіні жасыруға алғаш рет шыққан жерінде ұсталғандар аз емес. Жеңіл табыстың орнына — қамау, сот және ұзақ мерзімді бас бостандығынан айыру. Орта есеппен, полицейлердің статистикасына сәйкес, есірткі айналымында "жұмыс істеу" бірнеше аптадан аспайды.