Өңірдегі жұмыссыздық деңгейін төмендету мақсатында 20 тамыз күні А.Н.Островский драма театрының алдында «Жастарға жұмыс» бос жұмыс орындары жәрмеңкесі өтті. Облыстық және қалалық жастармен жұмыс жөніндегі ресурстық орталығының ұйымдастыруымен өткізілген шараға 12 ауданды қосқанда 50-ден астам мекеме қатысты, деп хабарлайды kazlenta.kz.
Жастардың тұрақты жұмысқа орналасу мүмкіндіктерін арттыра отыра, жастар арасындағы жұмыссыздық деңгейін төмендетуді мақсат еткен шараға қатысушы жастар аталмыш жобаға аса қызығушылық танытып отыр. Жұмыс берушілерге бос жұмыс орындарына лайықты жұмысшы іріктуге жәрдем беріп, жастардың халықаралық және мемлекеттік білім беру бағдарламалары бойынша ақпарат алуына жәрдемдесу – шараның басты мақсаттарының бірі болып табылады.
Аталмыш жәрмеңкеде жалпы саны 700-ден аса бос жұмыс орны ұсынылып, 160-қа жуық жұмыс іздеуші жас маман кеңес алды. Оның ішінде 50-ге тарта жасқа бос жұмыс орнына жолдама берілді. Атап өткеніміздей жәрмеңкеде 12 ауданнан бөлек, облысымыздағы ірі өндіріс ошақтары мен кәсіпорындар, қала және аудан көлеміндегі мемлекеттік мекемелер бос жұмыс орындарын ұсынған болатын.
Жұмыссыз жастар санын азайтуға бағытталған осындай игі шаралар легі аяқталмақ емес.
Алма Шапбазкереевна, Орал қаласының ақпараттық-талдау және жастармен жұмыс жөніндегі ресурстық орталығы консультациялық бөлімінің басшысы:
Жыл басынан бері мұндай шара 2 рет ұйымдастырылып отыр. 1 рет онлайн формата өткізілсе, бүгін онлайн формата оздырылды. Жастарды жұмыспен қамту мақсатында бұдан бөлек арнайы семинар, тренингтер, кеңестер өткіземіз. Сонымен қатар сауда үйлерінде жалдамалы қызмет атқаратын жастарды жұмысқа шақырып, бос жұмыс орындары жайында ақпарат береміз және жұмысқа орналастыруға ықпал етеміз.