Түркістан облысында 1,3 млн теңгеден астам берешегі бар азамат анықталды, — деп хабарлайды kazlenta.kz тілшісі Polisia.kz сайтына сілтем жасап.
Бүгінгі таңда “Қорғау — қауіпті жүргізуші!” бағдарламасы құқық бұзушылықпен күрестегі тиімді құрал. Мәселен Төле би ауданында учаскелік полиция инспекторлары “Қорғау” жүйесі арқылы мемлекетке 1,3 миллион теңгеден астам берешегі бар азаматты анықтады. Леңгір қаласы көшелерінің бірінде тоқтатылған Mersedes benz көлігінің жүргізушіге полиция заң аясында түсіндірме жұмыстарын жүргізді. Жүргізуші жауапқа тартылды. Полиция қызметкерлерінің айтуынша, бейнебақылау камераларын пайдалану "нөлдік төзімділік" қағидаты бойынша құқық бұзушылық деңгейін төмендетуге және тәулік бойы қоғамдық тәртіпті қамтамасыз етуге мүмкіндік береді. Түркістан облысының аумағында жол-көлік оқиғаларын азайту мен жүргізушілердің жол қозғалысы ережелерін сақтауға бағытталған "Қауіпсіз жол" жедел-профилактикалық іс-шарасы жалғасуда.12-05-2025, 11:03
“Қорғау”: Түркістан облысында 1,3 млн теңгеден астам берешегі бар азамат анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз