«Таза Қазақстан» бағдарламасы аясында Алматыда көркейту және көгалдандыру жұмыстары жалғасуда, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қалада Достық даңғылы мен Пушкин көшесі «қасбеттен қасбетке дейін» қағидаты бойынша көркейтілді. Мердігерді таңдау байқауы 30 сәуірде басталды, құрылыс жұмыстары биыл қараша айында аяқталады деп жоспарланып отыр.Бір ай ішінде жалпы ұзындығы 33,6 шақырым болатын 16 көше учаске көркейтіледі. 1 сәуірден бастап аулаларды жөндеу жұмыстары басталды: жыл соңына дейін жоспарланған 470 ауланың 426-сы ретке келтіріледі. Соңғы үш жылда 4 316 ауланың 1 176-сы жаңартылды.Көгалдандыру мақсатында наурыз-сәуір айларында Германия, Түркия және Ресейден әкелінген 2 мың ірі ағаш егілді. Сондай-ақ кесілген ағаштың орнына 15 мың көшет отырғызылды.