Исламабадта Қазақстан Республикасының Көлік министрі Марат Қарабаев пен Пәкістан Ислам Республикасының Ұлттық экономика министрі Ахад Хан Чиманың бірлескен төрағалығымен Қазақстан мен Пәкістан арасындағы үкіметаралық комиссияның 13-ші отырысы өтті, деп хабарлайды kazlenta.kz тілшісі ҚР Көлік министрлігіне сілтеме жасап.
Кездесу барысында сауда, ақпарат, спорт, білім, кәсіпкерлік және стандарттау салалары бойынша 10 екіжақты үкіметаралық құжаттарға қол қойылды.Қазақстан көлік ведомствосының басшысы Пәкістанның коммуникация министрі Абдул Алим Ханмен және Теміржол, теңіз көлігі, авиация министрімен кездесу өткізді.
Тараптар теміржол, теңіз және автомобиль қатынастарын дамытуға, кедендік рәсімдерді жеңілдетуге және Қазақстан мен Пәкістан арасындағы тұрақты әуе рейстерін қайта жандандыру мәселесін талқылай отырып, ынтымақтастықты одан әрі нығайтуға ниет білдірді.National Logistics Corporation (NLC) басшылығымен мультимодальды маршруттарды кеңейту, минералды тыңайтқыштарды тасымалдау жөніндегі жобаларға қатысу, Алматыда NLC кеңсесін ашу, сондай-ақ Қазақстан-Пәкістан көлік-логистикалық консорциумын құру жоспарлары талқыланды.Кездесу қорытындысы арнайы хаттамаға қол қойылды. Бұл құжат Қазақстан мен Пәкістан арасындағы серіктестік аясында оң нәтижелерге қол жеткізуге бағытталған.