Астанада Қазақстан-Грузия сауда-экономикалық ынтымақтастық жөніндегі үкіметаралық комиссиясының 12-ші отырысы өтті, деп хабарлайды kazlenta.kz тілшісі ҚР Көлік министрлігіне сілтеме жасап.
Отырыстың тең төрағалары Қазақстан Республикасының Көлік министрі Марат Қарабаев пен Грузияның бірінші вице-премьері — экономика және тұрақты даму министрі Леван Давиташвили болды.Кездесуде Қазақстан мен Грузия арасындағы екіжақты қарым қатынасты дамыту бойынша келелі мәселелер талқыланды. Басты назар сауда-экономикалық ынтымақтастықты, инвестицияларды нығайтуға, сондай-ақ көлік дәліздерін және логистиканы дамытуға бағытталды. Сонымен қатар, энергетика, ауыл шаруашылығы, білім беру және мәдениет мәселелері бойынша пікір алмасты.Жиын қорытындысы бойынша сауда-экономикалық ынтымақтастық жөніндегі үкіметаралық комиссияның хаттамасына және «Даму» кәсіпкерлікті дамыту қоры» АҚ мен Грузияның Даму қоры арасында өзара түсіністік туралы меморандумға қол қойылды. Тараптар осы салалардағы ынтымақтастықты одан әрі кеңейтудің маңыздылығын атап өтіп, екі ел арасындағы стратегиялық әріптестікті тереңдетуге бағытталған жаңа бастамалар туралы келісті.Келесі кездесуді 2025 жылы Тбилисиде өткізу жоспарлануда.Бүгін, 17:58
Астанада Қазақстан-Грузия сауда-экономикалық ынтымақтастық жөніндегі үкіметаралық комиссиясының 12-ші отырысы өтті
Егер мәтінде қате байқасаңыз, оны таңдап, Ctrl+Enter пернелерін басыңыз