Алматының коммуналдық қызметі 22-23 қаңтарда жауған қалыңдығы 18 см қарды шығару жұмыстарын ауқымды түрде қолға алды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Түнгі уақытта 161 жүк көлігінің көмегімен 24 мың м³ қар шығарылды. Барлығы 442 арнайы техника, оның 175-і сырттан тартылған көлік пен 1280 жұмысшы, оның 257-сі қосымша сырттан тартылған адам атсалысты. Тротуарларды, аялдамаларды және өткелдерді механикаландырылған тазалау жұмыстары жүргізіліп жатыр. 24 қаңтар күндізгі уақытта 448 техника мен 1192 жұмысшы тарту жоспарланып отыр. 24 қаңтарда ауа температурасы -10…-12°C шамасында, жауын-шашын болмайды. Тұрғындардан күн райын ескеріп, абай болуын сұраймыз.24-01-2025, 10:05
Алматының коммуналдық қызметі қар шығару жұмыстарын жалғастырып отыр
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз