Алматының Алмалы ауданында бұрын орталықтандырылған инженерлік коммуникация болмаған жеке секторда сумен жабдықтау мен кәріз желілерінің құрылысы аяқталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Енді Индустриальная, Циолковский және Волховская көшелерін қосқанда, 12 көшенің тұрғындары орталықтандырылған су және кәріз жүйесімен қамтамасыз етілді.Жоба аясында ұзындығы 15 км жаңа кәріз желілері орнатылып, 19 көшені қамтыды, оның ішінде 6 көшеде орталықтандырылған кәріз жүйесі болмаған. 2025 жылы қалған 13 көшеде жұмыс жалғасады. Бұл 6,8 мың тұтынушыны инженерлік желілермен қамтамасыз етеді.Сонымен қатар, Төле би мен Волховская көшесінің қиылысындағы сумен жабдықтау сорғы станциясы жаңартылып, 500 тұрғынға үздіксіз су беруді қамтамасыз етті. 2024 жылдың басынан бері Алматыда 219 км жаңа су құбыры және кәріз желілері салынды. 2025 жылы тағы 240 км су құбыры желісін салу жоспарланған.7-01-2025, 10:45
Алматының Алмалы ауданында жаңа су құбыры салынды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз