Көкқайнар шағын ауданы су құбыры және кәріз жүйесімен толық қамтамасыз етіледі, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл туралы Алматы әкімі Ерболат Досаев жұмыс сапары кезінде тұрғындармен кездесуде мәлімдеді. Алатау ауданында инженерлік желілерді дамыту бойынша жобалар жалғасып жатыр. 2018-2020 жылдары Көкқайнар шағын ауданында су құбыры мен кәріз жүйесі салынды. Ауданның дамуымен оларды кеңейту қажеттілігі туындады.Бұрын желіге қосылмаған 400-ден астам адам тұратын 80 үй коммуникациямен қамтылады. Ұзындығы 3 км желі Ақбастау, Бесағаш, Арқалық, Көкқайнар, Ақшағыл және Мәмбетов көшелерімен өтеді.Осылайша, Көкқайнар шағын ауданы су құбыры мен кәріз желілерімен толық қамтамасыз етіледі. Құрылыс осы жылға жоспарланған. Қазір жоба мемлекеттік сараптамадан өтіп жатыр.Биыл Алатау ауданының 11 шағын ауданында инженерлік коммуникациялар құрылысы жоспарланған.27-06-2024, 12:16
Көкқайнар шағын ауданы су құбыры және кәріз жүйесімен толық қамтамасыз етіледі
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз