Алматының Алмалы ауданындағы орталықтандырылған кәріз жүйесіне қосылмаған 19 көшеге инженерлік желілер салынады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала әкімі Ерболат Досаев жұмыс барысымен танысып, биыл 6 көшеде 3 км желі төсеу жұмыстары аяқталатынын айтты. Әсіресе, жеке сектор салынған кезден бері орталықтандырылған кәріз жүйесі болмаған Бруно көшесіндегі аумақ ерекше болып отыр. Жоба аясында 6800 тұтынушы орталық желілерге қол жеткізеді. Аудан тұрғындары істелген жұмыстарға алғыс айтып
2025 жылы қалған 13 көшеде жұмыстарды аяқтау жоспарланған. Қала әкімінің бастамасымен биыл наурыз айында инженерлік коммуникацияларды күтіп ұстаудың жаңа ережелері қабылданды. Олар жол жөндеу жұмыстарынан кейін асфальт жабынын толық қалпына келтіруді міндеттейді.Биыл Алматыда 219 км жаңа желі салынды, бұл 100 мың тұрғынның сумен қамтамасыз ету мәселесін шешуге көмектеседі. 2025 жылға дейін тағы 240 км желі салу көзделген.