10 жылда алғаш рет Сайын және Райымбек батыр көшелеріндегі өткелдер жөнделіп жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Ерболат Досаев Әуезов ауданындағы Сайын және Райымбек көшелеріндегі жер үсті жаяу жүргіншілер өткелдерінің күрделі жөндеу барысын тексерді. Бұл өткелдер 10 жылдан астам уақыт бойы жөнделмеген. Мұнда қыста да тоқтаусыз жұмыс істейтін аязға төзімді тік көтергіштер орнатылады. Жарықтандыру бағаналары мен су ағатын құбырлар ауыстырылады, сәулеттік жарықтандыру жүргізіледі. Жұмыс жаздың соңында аяқталады. Қауіпсіздікті арттыру үшін бейнебақылау камералары көбейеді, олардың сигналы бірден полицияның Жедел басқару орталығына жіберіледі. Әкімнің тапсырмасымен мүгедектігі бар адамдар Onay көлік картасы арқылы лифтті пайдалана алады. Сондай-ақ, қала басшысының нұсқауымен мұндай өткелдерді болашақта жаңарту үшін үлгілік жоба әзірленеді.18-06-2024, 17:27
10 жылда алғаш рет Алматы қаласында Сайын және Райымбек батыр көшелеріндегі өткелдер жөнделіп жатыр
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз