Алматыдағы Қарғалы өзенінің жағалауында бірегей саябақ пайда болады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматы әкімі Ерболат Досаев жаңартылып жатқан Қарғалы өзенінің жағалауындағы жұмыс барысын көріп қайтты. Ұзындығы 7,7 км учаскеде жаяу жүргіншілер аймақтары жабдықталады, жарық жүргізіледі, көпірлер, балалар және спорт алаңдары құрылады. Реконструкция жағалауды бірегей табиғи саябаққа айналдырады. Мұнда өзен арнасы тазаланып, 3 мың ағаш отырғызылады, 3,8 гектардан астам жер көгалдандырылады. Балаларға арналған құммен ойнайтын жер мен су аймақтарын, сондай-ақ ата-аналарға арналған үстел-орындығы бар демалыс аймақтарын құру жоспарланып отыр. Шаһар басшысы тұрғындардың жайлылығы үшін жаяу жүргіншілер жолдарын салуды, өзен арнасын зерттеуді аяқтауды тапсырды. Сондай-ақ, қызығушылығы мен ерекше қажеттілігі бар балаларға қолжетімділікті қамтамасыз ету үшін ойын алаңдарында инклюзивті элементтерді қарастыруды атап өтті. Барлық жұмыстар биыл жыл соңына дейін аяқталады.14-06-2024, 12:22
Алматыдағы Қарғалы өзенінің жағалауында бірегей саябақ пайда болады
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз