"Тальго" қосымша пойыздары Астана, Алматы және Шымкент мегаполистері арасында қатынайды, - деп хабарлайды kazlenta.kz тілшісі Tengritravel.kz сайтына сілтеме жасап.
Бұл 2024 жылдың желтоқсанынан басталады. "Жолаушылар тасымалы" компаниясының баспасөз қызметінде "Тальго" - № 101/102 Астана - Алматы және № 111/112 Астана - Шымкент қосымша екі пойызы іске қосылатынын нақтылады.
"Бұл маршруттар пойыздар қозғалысының "пакеттік" кестесі шеңберінде енгізілген. Қосымша пойыздарға билеттер рейс басталғанға дейін 45 күн бұрын bilet.railways.kz сайтында және вокзалдардағы кассаларда қолжетімді болады", - деді тасымалдаушы.
2023 жылы "пакеттік" кесте қағидаты бойынша Астана-Шу-Астана учаскесі бойынша 4-ші пойыздың қозғалысы енгізілді.