Алматыда кезекте тұрғандарға жаңа пәтердің кілті табысталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда кезекте тұрғандарға жалға берілетін тұрғын үй берудің екінші кезеңі басталды. Бұл жолы 201 адамға пәтер берілді, оның ішінде жетімдер, ардагерлер, мүгедектігі бар адамдар, зейнеткерлер, көпбалалы және толық емес отбасылар, сондай-ақ мүгедек балаларды тәрбиелеп отырған ата-аналар бар.«
Биыл қала әкімі Ерболат Досаевтың тапсырмасымен қалалық тұрғын үй қорынан 2000 жалға берілетін пәтер бөлінді. Бірінші жартыжылдықта Наурызбай және Медеу ауданында 1080 отбасыға тұрғын үй берілді. Қарашада Наурызбай ауданында 920 кезекте тұрған азаматқа пәтер кілті табысталады. Сонымен қатар, жұмыс істейтін жастарға сатып алу құқығынсыз және келісімшартты ұзартусыз 2100 пәтер бөлінді. Ай сайынғы жалдау ақысы 7-15 мың теңге аралығында, үш жыл ішінде ипотека арқылы баспана сатып алу үшін депозитке қаражат жинауға міндетті.