Алматыда ұзындығы 19 км жаңа кәріз коллекторы іске қосылды, ол қаланың шығыс бөлігіндегі 100 мың тұрғынды тұрақты сумен қамтамасыз етеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Коллектор Думан шағын ауданы, Шығыс айналма жолы бойындағы тұрғын үй кешендері және Талғар ауданы аумағына қызмет көрсететін желілерге жүктемені азайтады.Бұл апат пен экологиялық мәселелер қаупін төмендетіп, қаланың шығыс бөлігінің және Алматы облысына іргелес аудандардың инфрақұрылымын дамытуға жағдай жасайды. Құрылысы 2017 жылы мердігермен болған қиындықтарға байланысты тоқтатылған еді, бірақ биыл әлеуметтік жауапкершілік аясында жаңа компания жұмысты аяқтады.Бұған қоса, әкімдік ұзындығы 34 км болатын жаңа батыс коллекторының жобасын әзірледі, оның құрылысы 2025 жылдың ІІ тоқсанында басталады. Бұл инфрақұрылымды жақсартып, қаланың тұрақты дамуын қамтамасыз етуге септігін тигізеді.