Алматыда Бутаковка және Терренкур өзенінің арнасы абаттандырылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда абаттандыру жұмыстары жалғасуда! Медеу ауданында «Терренкур» жаңартылып жатыр, мұнда тоған абаттандырылады, ойын алаңдары, демалыс және спортпен айналысуға арналған аймақтар пайда болады. Бұл аумақта 20 жылдан астам уақыт бойы жөндеу жұмыстары жүргізілмеген. Жұмыс қараша айына аяқталады. Сондай-ақ, Бутаковка өзенінің арнасын қайта құру жоспарланып отыр. Жоба арнаны нығайтуды, жаяу жүргіншілер жолдарын, демалыс аймақтарын және жарықтандыруды қамтиды. Мыңнан астам ағаш пен бұта отырғызылады. Жобалық құжаттаманы әзірлеу жыл соңына дейін бітеді.Сонымен қатар, биыл ауданда 838 млн теңгеге аулалар мен 4 саябақты көріктендіру бойынша 13 жоба жүзеге асырылып жатыр. Барлық жұмыс қазан айында аяқталады.22-08-2024, 16:40
Алматыда Бутаковка және Терренкур өзенінің арнасы абаттандырылады
Егер мәтінде қате байқасаңыз, оны таңдап, Ctrl+Enter пернелерін басыңыз