Алматы мен Шығыс Қазақстан облысы ынтымақтастықты кеңейтуде, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматы мен Шығыс Қазақстан облысы өңіраралық кооперацияны күшейтеді. Бұл туралы ШҚО-ға жұмыс сапары барысында Алматы әкімі Ерболат Досаев пен өңір басшысы Ермек Көшербаев уағдаласты. Атап айтқанда, ШҚО ауыл шаруашылығы өндірушілері делдалсыз, өнімдерін Алматыға тікелей жеткізеді. Ол үшін мегаполисте өздерінің желілік сауда нүктелерін құруға дайын компаниялардың тізімі жасалады. Оларға «форвардтық сатып алу» және «айналым заемдары» сияқты қаржы құралдары арқылы қолдау көрсетіледі. Бұған қоса, әлеуметтік маңызы бар азық-түлік тауарларының бағасын тежеу үшін «Алматы» ӘКК және «Ертіс» ӘКК бір-біріне сауда желілеріне және Алматының азық-түлік нарықтарына өнім жеткізуге келісімшарттар жасасу бойынша жәрдем көрсетеді. Өңірлер туризм саласында да ынтымақтасуға ниетті. Атап айтқанда, туристік көрікті жерлерімен танымал, оларға шетелдік қонақтар үшін бірыңғай туристік пакеттер түрінде бару жоспарланып отыр. Айта кетейік, 2023 жылы өзара сауда көлемі 30 млрд теңгеден асты.29-07-2024, 17:40
Алматы мен Шығыс Қазақстан облысы ынтымақтастықты кеңейтуде
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз