Республикалық маңызы бар "Ақтөбе-Хромтау-Ұлғайсын" жолы төрт жолақты болады, деп хабарлайды kazlenta.kz тілшісі ҚР Көлік министрлігіне сілтеме жасап.
Қайта құру жұмыстары басталып кетті. Бұл жол I техникалық санатқа ие болып, төрт жолақты жолға айналады.
Құрылыс жұмыстары Ақтөбе өңірінің Хромтау ауданында жүріп жатыр. Жаңа төрт жолақты жол Хромтау қаласының қасында басталып, Ақжар ауылы мен Жазық бекеті арқылы өтеді. Бұл учаскеде 2 көпір мен 2 жол айрығы салынады. Ақтөбе өңіріне жұмыс сапары аясында құрылыс жұмыстарының барысын көлік министрі Марат Қарабаев тексерді.
"Нысан басында 120 маман мен 100 бірлік арнайы техника жұмыс жасауда. Құрылыс жұмыстары қарқынын арттыру мақсатымен тағы да қосымша мамандар мен арнайы техника жұмылдыру көзделді. Биыл мердігер ұйымдар барлық жер жұмыстарын аяқтап, сондай-ақ еріген қар суын өткізуге мүмкіндік беретін су өткізгіш құбырларды салады",- деп айтты Марат Қарабаев.